Bright Telangana
Image default

CM కేసీఆర్‌ను గద్దె దించేదాకా భాష మార్చుకోను: బండి సంజయ్‌

బండి సంజయ్‌ చేపట్టిన ప్రజాసంగ్రామ యాత్ర 32వ రోజు సిద్దిపేట జిల్లా బెజ్జంకి మండలం కల్లెపల్లికి చేరుకుంది. ఈ సందర్భంగా రైతులను పలకరించి వారి సమస్యలను అడిగి తెలుసుకున్నారు, ఆయన మాట్లాడుతూ ‘సీఎం కేసీఆర్‌ ఢిల్లీకి పోయి చేసేదేమీ లేదు. ప్రధాని మోదీ వద్ద వంగివంగి దండాలు పెడుతడు. బయటకొచ్చి ఫోజులు కొడుతుండు. కేసీఆర్‌ను గద్దె దించే దాక నా భాష మార్చుకోను’అని బీజేపీ రాష్ట్ర అధ్యక్షుడు బండి సంజయ్‌ అన్నారు.

అనంతరం బెజ్జంకి సభలోబండి సంజయ్‌ మాట్లాడుతూ ధాన్యం కొనబోమని కేంద్రం, మోదీ ఏమైనా ఫోన్‌ చేసి చెప్పారా.. అని ప్రశ్నించారు. పండించిన ప్రతి గింజనూ కొంటామన్న కేసీఆర్‌ ఇప్పుడు నేపాన్ని కేంద్రంపై నెడుతున్నారని మండిపడ్డారు. రైతులు ఎవరూ భయపడొద్దని, ప్రతి గింజనూ కేసీఆర్‌ చేత కొనిపిస్తామని భరోసా ఇచ్చారు. ‘ప్రభుత్వానికి బండి సంజయ్‌ అంబాసిడర్‌ అని కేటీఆర్‌ అంటున్నడు, అయితే, ప్రభుత్వాన్ని గద్దె దింపే వరకు బ్రాండ్‌ అంబాసిడర్‌ను నేనే’అని అన్నారు. బీజేపీ కిసాన్‌ మోర్చా జాతీయ అధ్యక్షుడు, ఎంపీ రాజ్‌కుమార్‌ చౌహాన్‌ మాట్లాడుతూ సీఎం కేసీఆర్‌ ఇక్కడ బీజేపీ, కేంద్రానికి వ్యతిరేకంగా మాట్లాడుతున్నారని, ఢిల్లీకి వెళ్లి వంగి వంగి కేసీఆర్‌ దండాలు పెడుతున్నారని ఎద్దేవా చేశారు.

కార్యక్రమంలో ఆదిలాబాద్‌ ఎంపీ సోయం బాపురావు, నేతలు తుల ఉమ, దూది శ్రీకాంత్‌రెడ్డి పాల్గొన్నారు. కాగా, హుజూ రాబాద్‌ ఉపఎన్నిక షెడ్యూల్‌ విడుదలైన నేపథ్యంలో.. బండి సంజయ్‌ ప్రజా సంగ్రామయాత్రను హుస్నాబాద్‌లో ముగించాలని పార్టీ అధినాయకత్వం నిర్ణయించింది. అక్టోబర్‌ 2న హుస్నాబాద్‌లో భారీ బహిరంగసభ నిర్వహిస్తారు. దీనికి కేంద్రమంత్రి స్మృతీఇరాని, ఇతర ముఖ్యనేతలు హాజరుకానున్నారు.

Related posts

Minister KTR: బండి సంజయ్‌ కాదు.. తొండి సంజయ్‌..

Hardworkneverfail

దళిత బంధు అమలు చేయకపోతే.. ఉద్యమం తప్పదు : బండి సంజయ్ వార్నింగ్

Hardworkneverfail

బండి సంజయ్‌ : వానాకాలం పంట కొంటారా? కొనరా?

Hardworkneverfail

Huzurabad By Election: బీజేపీ హుజురాబాద్ నియోజకవర్గ మేనిఫెస్టో రిలీజ్

Hardworkneverfail

TRS Foundation Day : ఈ నెల 27న ఘనంగా టీఆర్ఎస్ ఆవిర్భావ దినోత్సవ వేడుకలు..

Hardworkneverfail

Revanth Reddy: కలెక్టర్లు బానిసలంటూ ఆగ్రహం…రేపటి నుంచి జిల్లాల్లో పర్యటిస్తాం

Hardworkneverfail