![winter cold waves in next three days in telugu states](https://brighttelangana.com/wp-content/uploads/2021/12/weather-report-winter-cold-waves-in-andhra-pradesh-telangana.jpg)
Winter Cold Waves in Telugu States : తెలుగు రాష్ట్రాల్లో ఉష్ణోగ్రతలు రోజు రోజుకీ తక్కువగా నమోదవుతున్నాయి ఇంకా చలి తీవ్రత మరింత పెరగనున్నదని వాతావరణ శాఖ అధికారులు పేర్కొన్నారు. హైదరాబాద్ తో సహా తెలంగాణాలో పలు జిల్లాలో కనిష్ట స్థాయిలో ఉష్ణోగ్రతలు నమోదతున్నాయని వాతావరణ శాఖ వెల్లడించింది. తెలంగాణాలో ఎన్నడూ లేని విధంగా ఉష్ణోగ్రతలు పడిపోయి.. చలి తీవ్రత మరింత పెరగనున్నదని అధికారులు వెల్లడించారు. చలి గాలు పెరగడంతో చిన్నారులు, వృద్ధులు, గర్భిణీలు తగిన జాగ్రత్తలు తీసుకోవాలని సూచిస్తున్నారు.
తెలుగు రాష్ట్రాల్లో చలి గాలులు మరో 3 రోజుల పాటు వీచనున్నాయని వాతావరణ శాఖ వెల్లడించింది. మరి ముఖ్యంగా తెలంగాణలోని ఆదిలాబాద్ జిల్లాతో పాటు ఆంధ్రప్రదేశ్ లోని విశాఖపట్నం జిల్లా మన్యంలో ఉష్ణోగ్రతలు కనిష్ట స్థాయిలో నమోదవుతాయని తెలిపారు. సాయంత్రం నుంచే చలి గాలులు భారీగా వీస్తాయని పేర్కొన్నారు. తెల్లవారు జామున పొగమంచు కురుస్తుండడంతో ట్రాఫిక్ కు తీవ్ర ఇబ్బందులు తలెత్తుతున్నాయి. అలాగే తెలుగు రాష్ట్రాల్లో చలి తీవ్రత పెరుగుతుండడంతో ప్రజలు చాలా ఇబ్బందులు ఎదుర్కొంటున్నారు.