Indonesia : ఇండోనేషియాలో ఆదివారం టోబెలోకు ఉత్తరాన 259 కి.మీ దూరంలో భారీ భూకంపం సంభవించింది. భూకంప తీవ్రత రిక్టర్ స్కేలుపై 6.0గా నమోదైందని యూఎస్ జీఎస్ వెల్లడించింది. ఆదివారం ఉదయం 5.17 గంటలకు భూమి కంపించిందని ఇండోనేషియా వర్గాలు వెల్లడించాయి. భూఅంతర్భాగంలో 174. 3 కిలోమీటర్ల లోతులో ఈ ప్రకంపనలు వచ్చినట్టు గుర్తించారు. ప్రాణ, ఆస్తి నష్టం, సునామీ హెచ్చరికల వంటి వివరాలు తెలియరాలేదు.