![HOW YOU CAN CHAT WITH YOURSELF ON WHATSAPP](https://brighttelangana.com/wp-content/uploads/2021/10/whatsapp.jpg)
వాట్సాప్ యూజర్ల కోసం కొత్త ఫీచర్ పై పనిచేస్తోంది. సాధారణంగా, కంప్యూటర్ లేదా ల్యాప్టాప్లో వాట్సాప్ వెబ్ వాడాలంటే వాటికి కనెక్ట్ చేసిన ఫోన్లో ఇంటర్నెట్ కచ్చితంగా ఆన్ చేసి ఉండాల్సిందే. ఒకసారి వాట్సాప్ వెబ్లో లాగిన్ అయ్యి.. ఆ తర్వాత ఫోన్లో నెట్ ఆఫ్ చేస్తే వాట్సాప్ వెబ్ పనిచేయదు. ఇంటర్నెట్ కనెక్టివిటీ లేకుంటే వాట్సాప్ వెబ్లో మెసేజ్లు పంపినా అవతలి వ్యక్తికి డెలివరీ కావు.
కానీ ఇకపై ఆ సమస్య ఉండదని చెబుతోంది వాట్సాప్. ఒక్కసారి మీ ఫోన్తో వాట్సాప్ వెబ్ కనెక్ట్ చేసి ఆ తర్వాత నెట్ ఆఫ్ చేసినా సరే కంప్యూటర్లో దాన్ని వాడుకోవచ్చని చెబుతోంది. ఇలా ఫోన్లో నెట్ ఆన్ చేయకుండా 14 రోజుల పాటు నిరాటంకంగా వాట్సాప్ వెబ్ వాడేయొచ్చని స్పష్టం చేసింది. దీని ద్వారా కేవలం మెసేజ్లు పంపడమే కాదు.. వాట్సాప్ ఆడియో, వీడియో కాల్స్ కూడా చేసుకోవచ్చు. అయితే, 14 రోజుల తర్వాత ఆటోమేటిక్గా వాట్సాప్ లాగౌట్ అయిపోతుంది.
స్మార్ట్ఫోన్ లేకుండా వాట్సాప్ వెబ్ను ఎలా ఉపయోగించాలి?
మందుగా మీ స్మార్ట్ఫోన్ను వెబ్, డెస్క్టాప్ లేదా పోర్టల్కు లింక్ చేయాల్సి ఉంటుంది. ఆ తర్వాత మీ స్మార్ట్ఫోన్లో ఇంటర్నెట్ లేకుండానే కంప్యూటర్ లేదా ల్యాప్టాప్పై 14 రోజుల పాటు వాట్సాప్ వెబ్ను వినియోగించుకోవచ్చు.
- మీ స్మార్ట్ఫోన్లో వాట్సాప్ యాప్ను ఓపెన్ చేయండి. ఆ తర్వాత స్క్రీన్ రైట్ టాప్ లో ఉన్న మూడు చుక్కల సింబల్ పై నొక్కండి.
- ఆ తర్వాత “లింక్డ్ డివైజెస్” పై క్లిక్ చేయండి. ఆపై “మల్టీ-డివైస్ బీటా” పై నొక్కండి. వెంటనే వాట్సాప్ ఫీచర్ను వివరించే పేజీ డిస్ప్లే అవుతుంది.
- ఇప్పుడు, “జాయిన్ బీటా” బటన్పై క్లిక్ చేయండి. ఆ తర్వాత “కంటిన్యూ” బటన్పై నొక్కండి. ఈ ప్రక్రియ పూర్తయ్యాక QR కోడ్ని స్కాన్ చేసి మీ స్మార్ట్ఫోన్ను వాట్సాప్ వెబ్కి లింక్ చేయండి. కాగా
ఏ పరిస్థితుల్లో ఈ ట్రిక్ పని చేయదంటే :
- వాట్సాప్ చాలా పాత వెర్షన్ ఉపయోగిస్తున్న డివైజెస్లో ఈ ఫీచర్ పనిచేయదు.
- అలాగే ప్రైమరీ ఐఫోన్ డివైజ్లలో కూడా పనిచేయదు. కాబట్టి, మీ వాట్సాప్ను కొత్త వెర్షన్కు అప్డేట్ చేసుకోండి.
- వాట్సాప్ లింక్ అయిన డివైజ్ల్లో లైవ్ లొకేషన్ ఆప్షన్ పనిచేయదు.
- వెబ్ నుంచి లింకైన డివైజ్ల్లో క్రియేట్ చేయడం/బ్రాడ్కాస్ట్ లిస్ట్ (Broadcast list) వీక్షించడం వంటి మెసేజ్లు, లింక్ ప్రివ్యూలకు సపోర్ట్ చేయదు.