కబడ్డీ నేపథ్యంలో వచ్చిన సీటీమార్‌ బాక్సాఫీసు వద్ద మంచి టాక్‌ సొంతం చేసుకుంది. ఇప్పుడు డిజిటల్‌ వేదికగా అలరించేందుకు సిద్ధమైంది. ప్రముఖ ఓటీటీ డిస్నీ+ హాట్‌స్టార్‌లో అక్టోబరు 15 నుంచి స్ట్రీమింగ్‌ కానుంది. ఈ మేరకు చిత్ర బృందం కొత్త పోస్టర్‌ని పంచుకుంది. గోపీచంద్, తమన్నా ప్రధాన పాత్రల్లో సంపత్‌ నంది తెరకెక్కించిన సినిమా ఇది. ఈ సినిమాలో ఆంధ్రా మహిళల కబడ్డీ జట్టు కోచ్‌గా గోపీచంద్ (కార్తీక్‌), తెలంగాణ కబడ్డీ జట్టు కోచ్‌గా తమన్నా (జ్వాలారెడ్డి) నటించారు. భూమిక కీలక పాత్ర పోషించారు.
