![jai bhim movie set new record](https://brighttelangana.com/wp-content/uploads/2021/11/jai-bhim-movie-set-new-record.jpg)
ఇప్పుడు ఎక్కడ విన్నా జై భీమ్ మూవీ గురించే వినిపిస్తుంది. తమిళ హీరో సూర్య నటించిన ఈ మూవీ ఓటీటీలో విడుదలై భారీ విజయాన్ని నమోదు చేసుకున్న జై భీమ్ మూవీ ఇప్పుడు విమర్శకుల ప్రశంసలు అందుకుంటుంది. ఇది ఒక మూవీ కాదు.. 28 ఏళ్ల క్రితం జరిగిన వాస్తవ ఘటన ఆధారంగా తెరకెక్కిన దీన విజయగాధ. ఈ మూవీ చూసిన ప్రముఖులు సైతం దర్శకుడు జ్ఞానవేల్పై ప్రశంసలు కురిపిస్తున్నారు. ముఖ్యంగా ఈ మూవీలో లాయర్ చంద్రూగా సూర్య నటన హైలెట్. మిగతా పాత్రల్లో నటించిన వాళ్లు నటించారనే కంటే ఆయా పాత్రలో లీనమై జీవించారు. అందుకే ఈ మూవీకి సర్వత్రా ప్రశంసలు దక్కుతున్నాయి.
తాజాగా ఈ మూవీ ఓ సరికొత్త రికార్డును సృష్టించింది. ప్రముఖ మూవీ రేటింగ్ సంస్థ IMDB (Internet Movie Data Base) మూవీల జాబితాలో ‘జై భీమ్’ టాప్-1 స్థానాన్ని కైవసం చేసుకుంది. దాదాపుగా 26 ఏళ్ల తరవాత ఈ రికార్డు తిరగరాయడం విశేషం.
ఇప్పటివరకు ఐఎండీబీ మూవీల జాబితాలో తొలిస్థానంలో 1994లో విడుదలైన ‘ది షాషాంక్ రిడంప్షన్’ మూవీకి ఉంది. కాగా, ఇప్పుడు ఆ మూవీను జై భీమ్ సొంతం చేసుకుంది. ఈ మూవీ 53 వేలకు పైగా ఓట్లతో 9.6 రేటింగ్తో జై భీమ్ మొదటి స్థానంలో నిలవగా ‘ది షాషాంక్ రిడంప్షన్’ రెండవ స్థానానికి పడిపోయింది.