కింగ్‌ నాగార్జున నటించిన సోగ్గాడే చిన్ని నాయనా మూవీ ఎంత హిట్టో అందరికీ తెలిసిందే! ఈ మూవీకి ప్రీక్వెల్‌ అయిన బంగార్రాజుతో హిట్‌ కొట్టడానికి రెడీ అవుతున్నాడు నాగార్జున. ఇందులో నాగచైతన్య మరో హీరోగా నటిస్తున్నారు. ఆయనకు జోడిగా కృతి శెట్టి కథానాయికగా నటిస్తుంది. ‘బంగార్రాజు’ మూవీలో ఏయన్నార్‌ని గుర్తు తెచ్చేలా నాగార్జున గెటప్‌ను డిజైన్‌ చేశారు ఈ దర్శకుడు కల్యాణ్‌కృష్ణ.
తాజాగా ఈ మూవీ నుంచి లడ్డుందా సాంగ్ టీజర్‌ రిలీజైంది.’ బాబూ తబలా, అబ్బాయి హార్మోనీ.. తానన ననన.. డాంటకు డడనా..’ అంటూ ఏదో రాగం అందుకున్నాడు. ఇదర్థం కాక ఓ వ్యక్తి రాజుగారు దీని మీనింగ్‌ ఏంటని అడిగాడు. దీనికి బంగార్రాజు ఎప్పటిలాగే ఓ నవ్వు విసిరేస్తూ.. ‘ఇంతకాలం తెలుసుకోకుండా ఏం చేస్తున్నావు? అడగాలి కదా! నేర్పిస్తాను కదా!’ అని చెప్పుకొచ్చాడు. దీనికి సంబంధించిన పూర్తి పాటని ఈ నెల 9న(మంగళవారం) విడుదల చేయబోతున్నట్టు తెలిపారు. ఉదయం 9.09గంటలకు రిలీజ్ చేయనున్నారు. కాగా టీజర్‌ చూస్తుంటే నాగార్జున స్వర్గంలోని దేవకన్యలతో డ్యాన్స్‌ చేస్తున్నట్లు కనిపిస్తోంది. ఈ మూవీకి అనూప్‌ రూబెన్స్‌ సంగీతం అందిస్తున్నాడు.