RGV on AP Cinema Tickets Issue : మూవీ ఇండస్ట్రీ పరంగా చూస్తే.. ఆంధ్రప్రదేశ్ ప్రభుత్వానికి, కోవిడ్ మహమ్మారికి పెద్దగా తేడా లేదని దర్శకుడు రామ్ గోపాల్ వర్మ అన్నారు. ఈ రెండూ మూవీ ఇండస్ట్రీకి వచ్చే ఆదాయం తగ్గిస్తున్నాయని ఆయన పేర్కొన్నారు. రామ్ గోపాల్ వర్మ.. ఏబీఎన్ ఆంధ్రజ్యోతి స్పెషల్ ఎడిషన్ లో మాట్లాడుతూ.. మూవీ ఇండస్ట్రీపై ఏపీ ప్రభుత్వ వ్యవహార తీరును తప్పుపట్టారు.
ఆంధ్రప్రదేశ్ లో థియేటర్లు మరియు టికెట్ల ధరలపై రాష్ట్ర ప్రభుత్వం కక్ష పూరితంగా వ్యవహరిస్తున్నా.. తెలుగు మూవీ ఇండస్ట్రీకి సంబంధించిన పెద్దలు మాట్లాడకపోవడంలో వింతేమీ లేదన్నారు. అయినా వారు మాట్లాడాల్సిన అవసరం కూడా లేదని అన్నారు వర్మ. ఇండస్ట్రీ పెద్దలంటే.. అంతా బాగా సెటిల్ అయినవారు. అలాంటి అప్పుడు వారు ప్రభుత్వంతో గొడవపడాలని ఎందుకు అనుకుంటారు? అందుకే వారంతా సైలెంట్ గా ఉంటున్నారని అన్నారు.
హీరోల రెమ్యూనరేషన్‌పై ఏపీ ప్రభుత్వం చేస్తున్న వ్యాఖ్యలని ఆయన కొట్టిపారేశారు. ఎందుకంటే నిర్మాత ఎంత పెట్టి మూవీ నిర్మించాడనేది ఎవరూ చూడరు.. పలానా హీరో అని మాత్రమే ఆడియన్స్ థియేటర్‌కి వస్తారని, హీరో అనేవాడు బ్రాండ్ అని రామ్ గోపాల్ వర్మ పేర్కొన్నారు. ఇంకా అనేక విషయాలపై రామ్ గోపాల్ వర్మ ఈ ఇంటర్వ్యూలో మాట్లాడారు.