![Waltair Veerayya Trailer](https://brighttelangana.com/wp-content/uploads/2023/01/Waltair-Veerayya-Trailer.jpg)
Waltair Veerayya Trailer : దర్శకుడు బాబీ.. పూనకాలు లోడింగ్.. పూనకాలు లోడింగ్.. అంటూ చెబుతుంటే ఏంటా? అని అందరూ అనుకున్నారు. ‘వాల్తేరు వీరయ్య’ మూవీ ట్రైలర్తో టేస్ట్ ఏంటో చూపించారు. ఇక థియేటర్లో పూనకాలు కాదు.. అంతకుమించి ఉండవచ్చని చెప్పకనే చెప్పేశారు. మెగాస్టార్ చిరంజీవి హీరోగా బాబీ డైరెక్షన్లో తెరకెక్కిన మాస్, యాక్షన్ ఎంటర్టైనర్ ‘వాల్తేరు వీరయ్య’ (waltair veerayya). శ్రుతిహాసన్ కథానాయిక. రవితేజ కూడా ఈ మూవీ లో నటించడంతో అంచనాలు ఆకాశాన్ని తాకేలా ఉన్నాయి.
అంచనాలకు ఏమాత్రం తగ్గకుండా ఈ మూవీ ఉంటుందని మేకర్స్ ధీమాగా చెబుతున్నారు. సంక్రాంతి కానుకగా జనవరి 13న ఈ మూవీ విడుదల కాబోతున్న విషయం తెల్సిందే. ఈ సందర్భంగా శనివారం మూవీ ట్రైలర్ను విడుదల చేశారు. వీరయ్యగా చిరు వింటేజ్ మాస్ లుక్లో అదరగొట్టారు. ఇక ఆయన డైలాగ్స్, డ్యాన్స్, ఫైట్స్ చూస్తుంటే నిజంగా పూనకాలు లోడింగ్ అనేలా ఉన్నాయి. కాస్త కథలో కంటెంట్ ఉండి కథనంలో ఇంట్రెస్టింగ్ ఎలిమెంట్స్ ఉంటే వందల కోట్ల కలెక్షన్స్ వాల్తేరు వీరయ్యకు లోడింగ్ అంటూ ఫ్యాన్స్ అభిప్రాయం వ్యక్తం చేస్తున్నారు.