Unstoppable Season Finale Episode with Mahesh Babu : నందమూరి బాలకృష్ణ హోస్టుగా చేస్తున్న ‘అన్స్టాపబుల్ విత్ ఎన్‌బీకే’ టాక్ షో ఎంత పాపులర్ అయ్యిందో ప్రత్యేకంగా చెప్పక్కర్లేదు. బాలకృష్ణ తనదైన శైలిలో చేస్తున్న ‘అన్స్టాపబుల్ విత్ ఎన్‌బీకే’ టాక్ షోకు ఆహా ఓటీటీలో మంచి రేటింగ్ వస్తోంది. ఇండియాలోనే నంబర్ వన్ టాక్ షోగా అన్స్టాపబుల్ రికార్డు సృష్టించింది. ఐఎండీబీలో కూడా ‘అన్స్టాపబుల్ విత్ ఎన్‌బీకే’ షో ఏకంగా 9.8 రేటింగ్‌తో దూసుకుపోతుంది. ఇప్పుడు ఈ షో మొదటి సీజన్ ముగింపు దశకు చేరుకుంది. ఈ సీజన్ ముగింపు ఎపిసోడ్‌కు సూపర్ స్టార్ మహేష్ బాబు అతిథిగా రానున్నాడు. దీనికి సంబంధించిన స్పెషల్ ప్రోమోను ఆహా షో మేకర్స్ రివీల్ చేశారు..
తాజాగా ఈ చివరి ఎపిసోడ్ (Unstoppable Season Finale) స్ట్రీమింగ్ తేదీని ఆహా ప్రకటించింది. ఫిబ్రవరి 4 న ఈ ఎపిసోడ్ స్ట్రీమింగ్ కానుంది. గత నెల డిసెంబర్ లోనే ఈ ఎపిసోడ్ షూటింగ్ పూర్తయింది. దీనికి సంబంధించిన ఫోటోలు కూడా సోషల్ మీడియాలో వచ్చాయి. ఇటీవల జూనియర్ ఎన్టీఆర్ హోస్టుగా చేసిన ఎవరు మీలో కోటీశ్వరులు రియాలిటీ షో చివరి ఎపిసోడ్‌కు కూడా సూపర్ స్టార్ మహేష్ బాబు ముఖ్య అతిథిగా వచ్చాడు. ఇప్పుడు బాబాయ్ బాలకృష్ణ షోకు కూడా చివరి ఎపిసోడ్ మహేష్ బాబుదే కావడం విశేషం. ఈ ఎపిసోడ్ కోసం సూపర్ స్టార్ అభిమానులతో పాటు నందమూరి అభిమానులు ఎంతో ఆత్రుతగా ఎదురు చూస్తున్నారు. ఇప్పటికే అన్స్టాపబుల్ షోలో భాగంగా 9 ఎపిసోడ్లు ఆహా ఓటీటీలో స్ట్రీమింగ్ అయ్యాయి.