సీనియర్ నటుడు, నట సార్వభౌమ కైకాల సత్యనారాయణ (88) ప్రస్తుతం హైదరాబాద్ జూబ్లీహిల్స్‌లోని అపోలో ఆసుపత్రిలో ఆయనకు చికిత్స అందిస్తుండగా అపోలో వైద్యులు కైకాలహెల్త్ బులిటెన్ విడుదల చేశారు. కైకాల శనివారం ఉదయం తీవ్ర జ్వరం.. శ్వాస ఇబ్బందితో అస్వస్థతకు గురై అపోలో ఆసుపత్రిలో చేరినట్లు వైద్యులు ప్రకటించారు. ఈ క్రమంలో మెగాస్టార్ చిరంజీవి కైకాల ఆరోగ్యంపై పాజిటివ్‌గా ట్వీట్ చేశారు. కైకాల త్వరలోనే పూర్తి ఆరోగ్యవంతుడవుతారనే నమ్మకం ఉందని చెప్పారు.
‘ఐసీయూలో చికిత్స పొందుతున్న కైకాల సత్యనారాయణ గారు స్పృహలోకి వచ్చారని తెలియగానే, ఆయన్ని ట్రీట్ చేస్తున్న డాక్టర్ సుబ్బారెడ్డిగారి సహాయంతో ఆయన్ని ఫోన్ లో పలకరించాను. ఆయన త్వరగా కోలుకుంటారనే పూర్తి నమ్మకం కలిగింది. ట్రాకియాస్టోమి కారణంగా ఆయన మాట్లాడలేకపోయినా, మళ్ళీ త్వరలో ఇంటికి రావాలని, ఈ సందర్భాన్ని అందరూ సెలబ్రేట్ చేసుకోవాలని, నేను అన్నప్పుడు ఆయన నవ్వుతూ థంబ్స్ అప్ సైగచేసి, థాంక్యూ అని చూపించినట్టు గా సుబ్బారెడ్డి తెలిపారు. ఆయన సంపూర్ణ ఆరోగ్యంతో త్వరగా రావాలని ప్రార్థిస్తూ, ఆయన అభిమానులు, శ్రేయోభిలాషులందరితోనూ ఈ విషయం పంచుకోవడం చాలా సంతోషంగా ఉంది’. అని చిరంజీవి తెలిపారు.
#GetWellSoonKaikalaGaru #KaikalaSatyanarayana#NavaRasaNatanaSarvabhouma pic.twitter.com/Log3ohKtnz
— Chiranjeevi Konidela (@KChiruTweets) November 21, 2021