సూపర్స్టార్ మహేశ్బాబు ‘సర్కారు వారి పాట’ మూవీ కొత్త రిలీజ్ డేట్ ని ప్రకటించారు. సంక్రాంతికి కాకుండా ఏప్రిల్లో 1న థియేటర్లలోకి తీసుకొస్తున్నట్లు తెలిపారు. కొత్త పోస్టర్ను సోషల్ మీడియాలో పోస్ట్ చేశారు. ముందే చెప్పినట్లు జనవరి 13న కాకుండా ఏప్రిల్ 1న థియేటర్లలో విడుదల చేయనున్నట్లు వెల్లడించారు. ఇప్పటికే సంక్రాంతి బరిలో ‘ఆర్ఆర్ఆర్’, ‘రాధేశ్యామ్’, ‘భీమ్లా నాయక్’ మూవీలు ఉండటం వల్ల ఈ నిర్ణయం తీసుకున్నట్లు తెలుస్తోంది.
ఈ మూవీ విడుదల లేట్ అవుతున్నా కూడా మహేష్ ఫ్యాన్స్ హ్యాపీగా ఉండడగానికి కారణం ఏప్రిల్ సెంటిమెంట్. ఏప్రిల్లో విడుదలైన ‘పోకిరి’ బ్లాక్ బస్టర్ అయ్యి.. ఇండస్ట్రీ హిట్‌గా నిలిచింది. తర్వాత ఏప్రిల్లో విడుదలైన ‘భరత్ అనే నేను’ మూవీ కూడా సూపర్ హిట్‌గా నిలిచింది. దీంతో ‘పోకిరి’, ‘భరత్ అనే నేను’ మూవీల తర్వాత హ్యాట్రిక్ హిట్ అయ్యే అవకాశం ఉన్నట్లుగా చెబుతున్నారు.
