Boss Party Song From Waltair Veerayya Movie : మెగాస్టార్ చిరంజీవి నటిస్తున్న లేటెస్ట్ మూవీ ‘వాల్తేరు వీరయ్య’ లోని తొలి సింగిల్ సాంగ్ ‘బాస్ పార్టీ’ ఎప్పుడెప్పుడు వస్తుందా అని మెగా ఫ్యాన్స్ ఎంతో ఆసక్తిగా ఎదురుచూస్తుండగా, ఎట్టకేలకు మూవీ మేకర్స్ తాజాగా ఈ పాటను రిలీజ్ చేశారు. దర్శకుడు బాబీ తెరకెక్కిస్తున్న ఈ మూవీలో వాల్తేరు వీరయ్యగా ఊరమాస్ పాత్రలో మెగాస్టార్ చిరంజీవి కనిపిస్తుండటంతో ఈ మూవీ కోసం అభిమానులతో పాటు ప్రేక్షకులు కూడా ఎంతో ఆతృతగా చూస్తున్నారు.
ఇక ఈ మూవీలోని ఊరమాస్ పాట ‘బాస్ పార్టీ’ (Boss Party Song) లిరికల్ వీడియోని బుధవారం విడుదల చేశారు మూవీ మేకర్స్. మ్యూజిక్ డైరెక్టర్ దేవిశ్రీ ప్రసాద్ లిరిక్స్ అందించిన ఈ సాంగ్లో చిరంజీవి తనదైన స్వాగ్ మూమెంట్స్తో అదరగొట్టాడు. మెగాస్టార్ డ్యాన్స్లో గ్రేస్ ఏమాత్రం తగ్గకుండా అలాగే ఉండటంతో అభిమానులు ఈ పాటను ఫుల్ ఎంజాయ్ చేస్తున్నారు. ఇక దేవిశ్రీ ప్రసాద్ ట్యూన్స్ కూడా సూపర్గా ఉండటంతో ఈ పాట ఫ్యాన్స్కు పిచ్చపిచ్చగా ఎక్కేసింది.
కాగా, ఈ సాంగ్లో చిరంజీవితో పాటు బాలీవుడ్ హాట్ బ్యూటీ ఊర్వశి రౌటేలా కూడా చిందులు వేయడంతో, ఈ జంట వేసిన స్టెప్స్ను వెండితెరపై ఎప్పుడెప్పుడు చూద్దామా అని అభిమానులు ఆశగా ఎదురుచూస్తున్నారు. శేఖర్ మాస్టర్ కొరియోగ్రఫీ అందించిన ఈ పాట వాల్తేరు వీరయ్య మూవీకే హైలైట్గా ఉంటుందని, ఇక ఈ సాంగ్లో మెగాస్టార్ స్వాగ్ మూమెంట్స్ ప్రేక్షకులకు పూనకాలు తెప్పించడం ఖాయమని అభిమానులు అంటున్నారు. శ్రుతి హాసన్ హీరోయిన్గా నటిస్తున్న వాల్తేరు వీరయ్య మూవీలో మాస్ రాజా రవితేజ ఓ పవర్ఫుల్ పాత్రలో నటిస్తున్నాడు. ఈ మూవీని మైత్రీ మూవీ మేకర్స్ ప్రొడ్యూస్ చేస్తుండగా, సంక్రాంతి బరిలో ఈ మూవీని రిలీజ్ చేయనున్నారు మూవీ మేకర్స్.