కార్తికేయ హీరోగా నటిస్తున్న తాజా మూవీ ‘రాజా విక్రమార్క’. శ్రీ సరిపల్లి దర్శకత్వం వహిస్తున్న ఈ మూవీని టి.ఆదిరెడ్డి సమర్పణలో శ్రీ చిత్ర మూవీ మేకర్స్ బ్యానర్ పై 88 రామారెడ్డి నిర్మిస్తున్నారు. ఈ మూవీలో కార్తికేయ సరసన తాన్యా రవిచంద్రన్ నటిస్తుంది. ఇప్పటికే ఈ మూవీ నుంచి విడుదలైన టీజర్, సాంగ్ ప్రేక్షకులను ఎంతగానో ఆకట్టుకున్నాయి. ‘రాజా విక్రమార్క’ ఈ నెల 12న ప్రేక్షకుల ముందుకు రానుంది. ఇక తాజాగా ఈ మూవీ ట్రైలర్ ని న్యాచురల్ స్టార్ నాని విడుదల చేశారు. కార్తికేయ, తనికెళ్ల భరణి కామెడీతో మొదలైన ట్రైలర్ ఆ తర్వాత ట్విస్ట్‌లతో ఆద్యంతం ఆసక్తిగా సాగింది. ‘వీడిది బలుపు కాదు దూల’ అని తనికెళ్ల భరణి, దీపావళి గ్రాండ్‌గా ప్లాన్‌ చేశావ్‌’’ అంటూ కార్తికేయ చెప్పిన డైలాగ్‌లు అలరిస్తున్నాయి..