మెగా హీరో వరుణ్ తేజ్ మొదటిసారి స్పోర్ట్స్ డ్రామాతో అలరించేందుకు సిద్ధమయ్యారు. ఆయన హీరోగా నటిస్తున్న మూవీ ‘గని’. కిక్‌ బాక్సింగ్‌ నేపథ్యంలో ఈ మూవీ తెరకెక్కుతోంది. కిరణ్‌ కొర్రపాటి దర్శకత్వం వహిస్తున్నారు. ఈ మూవీని డిసెంబర్ 3న విడుదల చేయనున్నట్లు అధికారికంగా తెలిపారు. రీసెంట్ గా విడుదల చేసిన గని ఆల్బమ్ కు సూపర్బ్ రెస్పాన్స్ కూడా వచ్చింది. గని ప్రపంచాన్ని పరిచయం చేసారు కూడా. ఈరోజు ఉదయం 11.08 గంటలకు మెగా పవర్‌ స్టార్‌ రామ్‌చరణ్‌ వాయిస్ ఓవర్‌తో ఉన్న గని మూవీ టీజర్‌ను విడుదల చేసింది మూవీ యూనిట్.
ముఖ్యంగా రామ్‌చరణ్‌ వాయిస్ ఓవర్‌లో వచ్చిన మాటలు బాగున్నాయి. ప్రతి ఒక్కరి కథలో కష్ఠాలు ఉంటాయి.. కన్నీళ్లు ఉంటాయి.. కోరికలు ఉంటాయి.. కోపాలు ఉంటాయి.. ఇక్కడ ఉన్న ప్రతి ఒక్కరికీ ఛాంపియన్ అవ్వాలని ఉంటుంది. అయితే ఛాంపియన్ అయ్యేది ఒక్కడే.. ఆ ఒక్కడు నువ్వే ఎందుకు అవ్వాలి.. అంటూ సాగే వాయిస్ ఓవర్ నెటిజన్స్‌ను ఆకర్షిస్తోంది. ఇక చివరగా.. ఆటలో ఆడినా ఓడినా రికార్డ్స్‌లో ఉంటాం.. కానీ గెలిస్తే మాత్రమే చరిత్రలో ఉంటావు.. అంటూ డైలాగ్ వదిలారు.
బాలీవుడ్ నటుడు సునీల్ శెట్టి, కన్నడ నటుడు ఉపేంద్ర, జగపతి బాబు కీలక పాత్రలో నటిస్తున్న ఈ మూవీని రెనైసన్స్ పిక్చర్స్, అల్లు బాబీ కంపెనీ బ్యానర్స్‌పై సిద్దు ముద్దా, అల్లు వెంకటేష్ నిర్మిస్తున్నారు. “గని” మూవీలో వరుణ్ తేజ్ బాక్సర్ గా కనిపించనున్నాడు. ఎస్ఎస్ తమన్ తన సంగీతాన్ని అందించగా జార్జ్ సి విలియమ్స్ సినిమాటోగ్రాఫర్గా పని చేస్తున్నాడు. గద్దలకొండ గణేష్, ఎఫ్ 2 తరువాత వరుణ్ తేజ్ ఒక మంచి కథతో ప్రేక్షకుల ముందుకు రాబోతున్నట్లు టీజర్ చూస్తే అర్ధమవుతుంది.